Unang Android

Galaxy S ang una nakong Android. Nga aksidente natong napalit. Gipakaingon sa akong maguwang sa Hong Kong nga telepono ang akong ganahang paliton. Wa siya kahibawo nga Galaxy Tab ang gitugon sa kauban nako sa trabaho.

Kay napalit na man niyang daan, gidawat na lang nako. Para ako. Nipalit gihapon ko og Tab para sa akong kauban sa trabaho. Akong maguwang nga ganahan kaayo og Apple niprangka nga di siya ganahan sa Tab apan ganahang mahibawo unsa kamapuslanon ang Galaxy S para nako.

Sa labing unang higayon akong nasinati ang kasayon sa pagsumpay sa akong Google account ngadto sa Android. Mapuslanon kaayo ang pag-ipon sa akong phone ug Gmail contacts. Bisan mawa pang telepono sayon rang mabalik ang contacts pinaagi sa Gmail.

Wa mawa ang akong telepono. Apan hasta kapila nabato. Gisuwayan nako og root sa makadaghan uyamot nga higayon. Hangtod nga nisangko ko si Jelly Bean. Matag kadaot sa telepono, ako lang gi-reset ug buhi dayon. Human sa pila lang ka gutlo nakuha pagbalik ang tanang contacts.

Galaxy S maoy nihawan sa agianan alang sa mas bag-o nakong mga telepono ug dugang Android tablets. Nga karon mangahas na ko pakigsawo nimo sa mapuslanon nakong kasinatian ug maghilas-hilas pa gani pagtanyag pagtubag sa bisan unsa nimong kalibog ug pangutana parte sa Android ug Google.

Daghang salamat sa imong pagbasa ug pagsabot.